Што е кујнски дисплеј систем (KDS)
Кујнскиот дисплеј систем (KDS) е екран што ги заменува хартиените chit-ови во кујната. Наместо принтер што исфрла ливчиња, нарачките се појавуваат во живо на монитор или таблет - подредени, обоени по поминато време и означени кога се готови. Тефтер го носи KDS како дел од модулот Екрани за нарачки, вграден во истиот POS систем што го користат келнерите.
Како работи во Тефтер
Кога келнерот испрати нарачка, Тефтер автоматски создава тикети и ги насочува до вистинската станица. Готвачот тапнува „Подготвувам“, ги штиклира готовите ставки, а бојата на тикетот се менува од зелена во портокалова во црвена како што минува времето - веднаш се гледа што доцни.
- Станици по секција - Фурна, Салати, Скара, Десерти и посебен екран за Барот; секој гледа само свои ставки.
- Обоено по време - зелено → портокалово → црвено, за да не чека ниедна маса предолго.
- Штиклирање готови ставки - готвачот означува што е завршено; долгите нарачки остануваат прегледни.
- EXPO приказ - финална контрола пред сервис: кога сите станици се готови, нарачката се експедира.
- Приказ за носач - експедираните нарачки за носење одат кај носачот, групирани по станица.
- Повик за келнер - кујната може да го повика келнерот директно од екранот.
Зошто KDS го забрзува сервисот
Хартиените ливчиња се губат, се мешаат и не кажуваат колку време чека нарачката. Со екрани, целата кујна работи од ист, ажуриран приказ - помалку заборавени ставки, помалку недоразбирања меѓу шанк и кујна, и појасен ред на работа во шпиц. За објекти со повеќе сали или тераса, тикетот носи и информација за станицата и масата, па нема талкање со ливче в рака.
За кого е
KDS-от во Тефтер е корисен за ресторани со поделена кујна, за кафе-барови каде шанкот и кујната работат паралелно, како и за пицерии, пивници и објекти за брза храна каде брзината на подготовка е сè.
Поврзани
KDS е дел од Тефтер - целосен POS систем за ресторани. Оди рака под рака со QR менито (нарачките од гостите паѓаат право во кујна) и со фискалниот принтер. Спореди ги плановите на страницата за споредба.
